Amaiur nagusitu da Hernanin, 4.747 botorekin

Kronika - Erredakzioa 2011ko aza. 21a, 01:00
Deskargatu Info Ahotsak :

PSOE izan da bigarren indarra, 1.755 botorekin, eta hirugarrena EAJ izan da, 1.534 botorekin. Hernanin 9.780 pertsonek eman dute botoa, eta abstentzioa %35,24koa izan da.

Hernaniarrek Espainia­ko Hauteskundeetarako bo­toa eman zuten atzo, eta Amaiur izan zen, alde nabarmenarekin, boto gehien lortu zituena: 4.747. Bigarren al­derdi bozkatuena PSOE izan zen, 1.755 botorekin; hirugarren indarra EAJ, 1.534 botorekin; laugarren tokian PP, 942 botorekin; eta bosgarrena IU, 300 botorekin. 15.103 herritar zeuden botoa ematera deituta, eta horietatik 9.780 joan ziren Hernaniko 26 mahaietara. Abs­tentzioa %35,4koa izan zen.

EAJ, IU eta PP dira Her­nanin gora egin duten hiru alderdiak. EAJk 2008an baino 370 boto gehiago lortu ditu, IUk 117 gehiago eta PPk 116 gehiago. PSOE al­derdia da behera egin duen bakarra; atzo 917 boto gu­txia­go lortu zituen. 2008an Ezker Abertzaleak abstentziorako deia egin zuen, ilegalizatu egin zutelako.

Hego Euskal Herrian eta
Gipuzkoan ere, Amaiur
Amaiur izan da Diputatu gehien lortu dituen alderdia Hego Euskal He­rrian, 7  guztira; EAJ, PSOE eta PPk 5na lortu dituzte, eta 1, Geroa Baik. Gipuzkoan bozkatuena izan da Amaiur, 3 Dipu­taturekin; EAJ, PSOE eta PPk 1na lortu dute. 

PPk gehiengo osoa, Espainian

Espainiako demokrazian sekula izan den ge­hien­go zabalenarekin irabazi zuen atzo PPk, Kon­gresuko 350 Diputatutatik 186 lortuta; 2008an baino 32 gehiago. Bigarren indarrak, PSOEk, zortzi urtetan izandako presiden­tzia gal­du zuen atzo, 169 Diputatu eskuratuta, 2008an baino 59 gutxiago.

Gainontzeko alderdien emaitzak, ordenean: CIU 16, IU 11, Amaiur 7, UPyD 5, EAJ 5, ERC 3, BNG 2, CC 1 FAC 1, Geroa Bai 1 eta Compromis-Q 1.

Espainiako Kongresuko Diputatuak



  • PP                       10.604.450      186      44,59%
  • PSOE                  6.822.613        111      28,68%
  • CiU                         996.876         16        4,19%
  • IU-LV                   1.650.317        11        6,93%
  • AMAIUR                333.592          7          1,40%
  • UPyD                   1.123.276         5          4,72%
  • EAJ-PNV              323.517           5          1,36%
  • Esquerra               252.073           2          1,05%
  • BNG                       169.751          2          0,71%
  • CC-NC-PNC         135.571          2          0,57%
  • Comprmis-Q          124.675          1          0,52%
  • FAC                        98.477            1          0,41%
  • GBAI                      42.372             1          0,17%

Hego Euskal Herriko datuak


                                      Gipuzkoa         Araba           Bizkaia        Nafarroa


  • Amaiur             129.655 (3)    32.267 (1)   122.606 (2)     49.064 (1)   333.592 (7)
  • PP-UPN            51.088 (1)    45.891 (1)    113.021 (1)  125.935 (2)   336.289 (5)
  • PSOE                78.100 (1)    39.579 (1)    136.426 (2)     72.591 (1)   326.934 (5)
  • EAJ                    83.445 (1)    31.849 (1)    208.223 (3)           -             323.517 (5)
  • GBAI                    -                    -                   -            42.372 (1)     42.372 (1)


































Gizartea
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!