Merezimendu osoz irabazi zuten atzo gipuzkoarrek, Zeberiok eta Ionek, eta finalerdietan dira Azysa Torneoan. Urtasuni eta Etxeberria IIIari irabazi zioten, 40-29, eta aukerarik gabe utzi dituzte, aurtengo Binakako Txapelketa honetan aurrera egiteko.
Aurrean eta atzean, nagusi
Kolore bakarra izan zen partiduan: gorria. Zeberiok izan zen partiduan nagusi (22 tanto egin; 2 galdu), eta Ionek ederki lagundu zion, atzeko koadroetan. Arrisku haundirik gabe, indarra nahikoa izan zuten bi irabazleek hurrengo fasera pasatzeko.
Finalerdietan zain dira Matxin III eta Urrutia, eta bi gipuzkoarrek aukera daukate, iaz lortu ez zutena lortzeko: finalean sartzea.