Karobi txapeldun bertsotan, Beñat Gaztelumendiren ahotik

beñat Gaztelumendi eta Agin Rezola iritsi ziren bu­kaerara, buruz burukora, eta Gaztelumendik irabazi; Ka­ro­bi elkarteak jantzi du lehen­dabiziko txapela, ondo mere­zia, elkarte arteko ber­tso txa­­pelketan. Xalaparta, biga­rren. Hamar bertsolarik hartu zuten parte, bederatzi elkar­teren izenean. Giro ederrean aritu ziren bertsolariak, elkar­teko giroak ematen duen pa­txadan. Bai eskertu ere, ber­tso­larien txispa, haretxen bila joan­dako 60 herritarrek. Gaztelumendi zaharra eta gaztea, Rezola, Urdangarin, Zelaia, Osa, Agirre, Zerain, Lasarte, eta Iurramendi, aritu ziren ber­tsotan. Orden horretan, el­karteak: Karobi, Txantxan­gorri, Xalaparta, Sagastialde, Peña Otaño (bi), Santa Bar­bara, Ur-Mia, Elur Txori eta Etxeberri. Asko joan ziren onak, bai­na bertso onena, Gaztelu­men­di txapel­du­nak ez, bere anai gazteak bo­ta zion, Unaiek, Birziklatzea gaiari: Hernanin ere bururatu zen, zabor bilketa jartzea/ eta ni hemen entrenatzen naiz, ia hau daukat etxea/ eta nik ere probatu nuen, txapelketaren trantzea/ azkenerako poto egin nun, hura zan mala-letxea!/ poto bat zer da azken batean? errima birziklatzea. Sagastialde elkarteak an­to­latu du txapelketa, Iraulio Panttalone bertso eskolaren laguntzarekin. Izandako arra­kasta ikusita, ez ote da behintzat, azkena izango!