Goizuetako etxeei buruzko liburua aurkeztuko dute gaur

Goizuetako Azaro Kulturala aurre­ra doa eta gaur, Goizue­ta­ko etxeak izeneko liburua aurkeztuko dute 19:00etan, Ganbaran. Bestalde, azaroaren 5ean Madalena ermita inauguratu zuten. Eguraldiak ez zuen lagundu, baina ospakizun ederra izan zen. Umore Ona Koruak eman zion hasiera festari, herriko plazan. Eliz­ki­zu­na, berriz, ermitako solairupean dauden nitxoen bedeinkapenarekin ha­si zen. Ber­tan, 9 difuntuen errautsak sartu ziren. Goizuetako parrokiko apaizak, Goizuetako bi se­me apaizek, Leitzako abadeak eta inguruko Gipuzkoako herrietako apaiz batzuk lagundu zioten Mikel Gar­tzian­dia Mendialeko bikarioari me­za ematen eta aldare berria kontsagratzen. Meza guztian lagundu zuen Umore Ona koruak. Ondoren, hamaiketako ederra egin zuten.