Soziedadeak, bertsotan

Hernaniko elkarteek ber­tso txapelketa jokatuko dute elkarren kontra, datorren ostiralean, Sagastialde elkartean. Elkarte bakoitzak ber­tsolari bat edo bi presentatu ditu, eta saio batean, erabakiko da zein den txapelduna. Guztira, hamaika bertsolari ariko dira kantuan, hamar elkarteren izenean.

«Giro aparta espero dugu»
Hernanik bakarrik egin de­zake horrelako txapelketa bat, Sagastialdeko arduradunek joan den astean adierazi zutenez; bertsolariak behar dira horretarako, eta elkarteak prest, joko horretan sar­tzeko. «Hernanik eskain­tzen duen aukera aprobetxatu egin dugu, eta giro aparta aparta espero dugu, datorren ostiraleko bertso afarian».

Saio bakarra 
Saio batean erabakiko da zein den Hernaniko txapeldun. Hamaika bertsolariek, 9na bertso kantatuko dituzte, eta bi onenek buruzburukoa jokatuko dute.

Epaile eta gai jartzaile lanetan, hiru aditu: Ba­karne Urreaga, Joxe Angel Oiartza­bal, eta Amaia Otxotorena. Sarrerak salgai daude Tripontzin eta Aralarren, 18 euroan. Komeni da sarrera aurrez hartzea, baina egunean bertan ere izango omen da bat edo beste salgai.