rock klasikoa, kantarik ezagunenak, hasi zaharrenetik eta oraintxeko taldeetara: Beatles eta Barricada, Eric Clapton eta ACDC, Joe Cocker eta Queen... Musika Bandak kontzertu oso berezia eskainiko du ostiralean: eROCKerian izenekoa. Urte eta erdi entsaiatzen pasata, inoiz Musika Banda batek egin ez duena egingo du Hernanikoak. Gatiburekin jo dute aurtengo Preludioan, eta arrakasta segurua izango da. 150 urte bete ditu Bandak, eta urte guztiko ekitaldien barruan, hauxe da berezienetakoa.
L.M. Moreno eta Ibon Sagarna, Hernanin
Zipri Otxandorenak zuzenduko du kontzertua, eta berekin izango ditu, musika munduan ezagunak diren kideak. L.M. Moreno, Pirata, aurkezpen lanak egiten ariko da: Los del Gas taldearekin ibilia, Despistaosekin edo Barricadarekin. Ibon Sagarna hernaniarra ere hor izango da, Barricada taldeko bateria; Javier Perez de Azpeitia pianista; David Soriazu hernaniarra, gitarra elektrikoan; Xabier Arrizabalaga... Ostiralean, 20:00etan, Atsegindegin.