Hiru fetxa jarri dituzte proposatutako ideiak lantzeko

PRESO eta iheslarien egoera aldatze bidean jartzeko as­moarekin, herritar talde batek Herri Batzarra deitu zuen ostiralean Udalean. Denen ekarpenak entzun eta lanean hasteko pausuak ematea zen Batzarraren helburuetako bat, eta herritarrek ezin hobeto erantzun zuten, 250 pertsonatik gora elkartu baitziren: «ba­lorazioa oso ona da, Batza­rra jendetsua izan zen eta Uda­leko aretoa txiki geratu zen».

Datozen hiru hitzorduak, Biterin
Batzarrak hiru atal izan zituen: iragana, gaur egungo egoera, eta hemendik aurrerakoa, Egin dezagun bidea izena hartu duena. Pro­po­samen eta ideia asko bildu zituzten, eta horiek lantzeko asmoarekin hiru fetxa jarri dituzte, Biterin: azaroaren 21, astelehena, 19:00etan; aza­­roaren 25a, ostirala, 19:00­e­tan; eta azaroaren 26a larunbata, goizeko 10:00­etan.
Batzarrak eta lan-guneak irekiak dira, eta edozeinek har dezake parte edo proposamen berriak egin. Anto­la­tzaileek herritar guztiei egin die­te parte hartzeko gonbidapena.