Behobia-Donostia herri lasterketa ospetsua izan zen atzo, eta beste urtebetez, Sergio Roman izan zen hernaniar azkarrena. Sailkapen orokorrean 17garren postuan helmugaratu zen, 1:06:59ko denbora eginda. Joan den urtean baino 12 segundu gehiago behar izan zituen, baino orduan baino 4 postu lehenago bukatu zuen lasterketa. Emakumezkoen artean, Itziar San Ildefonso izan zen hernaniar bizkorrena, 1:36:58ko denbora eginda. San Ildefonso 5.753garren postuan iritsi zen Boulevardeko helmugara.
Etiopiarrak, nagusi
Herri lasterketa Abraham Milaw etiopiarrak irabazi zuen, 1:02:56ko denborarekin. Aurreneko emakumezkoa Trihas Gebre Aunoon etiopiarra izan zen, 1:08:07ko kronoarekin. Gebrek gainera, 1998an Rocio Riosek zuen errekorra hautsi zuen atzo.
Inoiz baino jendetsuagoa, 19.877 korrikalarirekin
Atzoko Behobia-Donostian inoiz baino partehartzaile gehiago izan ziren. Behobiako irteeran 19.877 korrikalari atera ziren, eta horietatik helmugara 19.675 iritsi ziren, joan den urtean baino 2.500 gehiago. Hernaniarren kasuan ere, gora egin du partehartzeak. Aurten 201 helmugaratu dira, iaz baino 15 gehiago.
Hernaniarren sailkapen osoa: http://www.kronika.net/uploads/dokumentuak/behobia-donostia%20pdf.pdf
Sergio Roman eta Itziar San Ildefonso hernaniar azkarrenak, Behobia-Donostian
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!