Antonio Alvarez-Solis:  «Euskal Herriak badu etorkizuna, ‘demokrazia zuzena’ egiteko bidean delako; herritarrekin»

Antonio Alvarez-Solis ka­zetariak krisiari buruz hitz egingo du gaur, 20:00etan, Biteri kultur etxean. Krisiari buruz, eta bertatik ateratzeko moduei buruz.
Alvarez-Solisek uste du, 2012an iraultza haundi bat biziko dugula, eta historiako orrietan geratuko dela, data ga­rrantzitsu gisan: «demokrazia zuzena-ren garaia hasiko da; herritarrek parte hartuko dute demokrazian». Hori eta gehiago azaldu dio Kroni­ka­ri kazetari asturiarrak. «Kri­sia orokorra da; estruktura bera, dago krisian. Kapita­lis­moa, gobernuak, partidu politikoak... He­rritar gehienek sufri­tzen dute gaur egun, krisi hori; horregatik, aldaketa etorriko da».
Euskal Herria eta Es­painia diferente daude, etorkizunari aurre egiteko. Al­varez-Solisek dioenez, Eus­kal Herriak da­goe­neko hasi du bide bat, demokrazia zuzena-ren bila, eta Es­painiari dezente gehiago kostako zaio. «Krisitik atera­tze­ko denbora asko beharko da; baina Euskal Herriak eskutan dauka etorkizuna, eta koalizio batek lideratuko du hori: Bilduk. Seinale oso ona da, Bildu koa­lizio bat izatea, eta ez al­derdi politiko bat».

Biteriko Areto Nagusian
Areto Nagusia beharko da gaur, Biterin, Alvarez-Solisen jarraitzaile guztiak ka­bitzeko. Interviu aldizkariko zuzendari izana da Alvarez-Solis, El Periódico egunkariko sortzaileetako bat, eta hainbat eta hainbat kolaborazio egindakoa, aldizkari, egunkari, telebista eta irratian. Azken aldian Espainiako alderdi nagusien aurkako ja­rrera azaldu du, eta Euskal Herriko abertzaletasunarekin bat egin. Aldeko eta kontrako iritziak piztu ditu, baina iritziak iritzi, inork ukatuko ez diona, hizketarako abilezia. Gaur Biterin izango da aukera, baieztatzeko.