Lehendabiziko aldia da, Hernaniko elkarteak bertsotan neurtzen direla. Sagastialde elkarteak antolatu du txapelketa berezi hau, eta azaroaren 18an izango da, Sagastialden bertan, afalostean. Sei elkartek dagoeneko eman dute izena, beren bertsolari eta guzti; beste lau elkarte ere izan litezke txapelketan.
Giro ederra espero da
Kuriosoa, behintzat, bada txapelketa hau. Antolatzaileek adierazi dutenez, Hernanin bakarrik egin liteke horrelako txapelketa bat, bai kantitate aldetik eta bai maila aldetik. «Maila eta giroa aseguratuta daude. Horrelako zerbait egin zitekeela ikusita, pauso bat eman dugu, euskal giroa jarri, bertso-giroan gozatu, eta gerora ere errepikatu litekeena».
Hernani, Ereñotzu,
eta Aranoko ordezkaritza
Sei elkarte eta zazpi bertsolari, dagoeneko izena emanda daude, txapelketarako: Sagastialdeelkartea; Santa Barbara elkartea; Peña Otaño elkartea; Xalaparta elkartea. Eta Ereñotzu eta Aranoko elkarteak ere apuntatu dira: Ur-Mia elkartea, eta San Roke elkartea.
Antolatzaileek adierazi dutenez, fitxajeak ere onartzen dira. Alegia, elkarteek aurkeztu ditzakete bazkide diren bertsolariak, edo bazkide ez direnak, fitxatuta. Gainera, elkarte batek bertsolari bat baino gehiago ere aurkeztu ditzake, horretarako lujoa baldin badu: adibidez, Peña Otañok Osa eta Zelaia aurkeztuko ditu.
Beraz, oraindik haunditu liteke parte hartzaile kopurua, eta espero dute, azaroaren 18an, 10 bat bertsolari biltzea, Sagastialde elkartean.
Parte hartzaileak
Sagastialde
Santa Barbara
Ur-Mia
Peña Otaño
S.Roke (Arano)
Xalaparta
Antolatzailea: Sagastialde
Noiz: Azaroak 18 - 20:30
Sarrerak: Aralar eta Tripontzin
Prezioa: 18,00 euro