Errifak erosten hasi dira hernaniarrak. Euro batean daude salgai Berriak elkarteko dendetan, eta Hernaniko Kronikako banaketa puntuetan. Saria, ez nolanahikoa: Gabonetako Saskia, opari ederrez bete-bete egina. 15 opari izango ditu saski bakoitzak, eta lehendabizikoa ia betea dago. Berriakeko dendariek opariak eman ahala, saski gehiago ere izan litezke, eta larri ibili, aurten ere 3-4 saski eder izatea. Gabonetako Zozketa, bi elkartek antolatu dute aurten ere: Berriak merkatari elkarteak eta Hernaniko Kronikak. Helburuak bi ditu: herriko merkataritzari bultzada bat ematea, eta Hernaniko Kronikari diruz laguntzea. Aurreko bi urteetan arrakasta ederra izan zuen zozketak, eta horregatik erabaki da, hirugarren urtez ere egitea.
Mariskoa, pitxiak, bidaiak... saski bakar batean
Saski haundiak prestatu dira aurten ere, eta osatzen joango dira, asteak aurrera joan ahala: oinetakoak, pijamak, pitxiak, fruta loteak, arraina, langostinoak, bidaiak... Saski bakar batean aurkitu litezke era guztietako produktu eta kapritxoak, Hernaniko eskaintza zein zabala den erakusten dutenak.
Behar duzun hori,
Hernanin aurkituko duzu
Hernanin edozer aurkitu dezake, erosketak egitera etortzen denak. Hernaniko komertzioek sekulako lana egiten dute herria bizirik mantentzeko, eta Hernaniko giroa pizteko. Horregatik, hernaniarrak animatu egin nahi dira, behar duten hori bertan erostera. Behar duten hori aurkituko dutelako, eta herriak merezi duelako.