Berriak Hernaniko merka-tari eta ostalarien elkarteak, hiru tailer antolatu ditu Gipuzkoako komertzioaren dinamizazio bulegoarekin elkarlanean. Merkatarien formazioa eta gaitasuna eta sektorearen profesionaltasuna hobetzeko asmoz antolatu dituzte ikastaro horiek.
Hiru ikastaro
Alde batetik, paketeria ikastaroa izango da. Bertan parte hartzen duten dendariei irakatsiko zaie paketeak egiteko moduak duen garrantzia. Aholkuak emango dizkiete pakete errazak eta erakargarriak egiteko. Hori azaroaren 10ean izango da, hau da, datorren ostegunean.
Bestetik, munduko tendentzien berri emango dute bigarren ikastaroarekin. Nazioarteko merkatarien esperientziak ezagutaraziko dituzte, elkarrizketak egingo dituzte merkataritzan erreferente direnekin... Ikastaro hori azaroaren 14an izango da.
Azkenik, eskaparateari buruzko ikastaroa izango da. Bertan, landuko dute beldurrak eta aurreiritziak alde batera uzten eta behar den bezalako eskaparateak sortzen. Hori azaroaren 15ean izango da.
Hiru ikastaroak dohainik dira eta izen ematea zabalik dago: 943 33 30 49 edo dinamizador@comercio-gipuzkoa.com. Ikastaroak egun ezberdinetan badira ere, denak, ordu berean eta leku berean izango dira: 14:30etatik 16:30etara, Biterin.