Zer gertatzen da haurdunaldian izaten diren sentsazio emozional eta fisikoekin? Zer gertatzen da amaren eta umekiaren arteko harreman diadikoarekin? Eta amaren, umekiaren eta familia-guneko beste kideen arteko harremanarekin? Zein da bikotearen egitekoa? Galdera horiek eta beste hainbat erantzuteko asmoz, tailerra antolatu dute Berdintasun Kontseiluak eta Berdintasun Sailak.
Azaroaren 16tik martxoaren 14ra izango da tailerra, Biterin. Astean saio bat izango da: asteazkenetan, arratsaldeko 18:00etatik 20:00etara. Tailerra haurdun dauden emakumeei (gutxienez 14 asteko egon beharko du) eta haien bikote edo laguntzaileei dago zuzendua. Izena emateko aukera izango da bihartik ostiralera bitarte: irantzu-j@hernani.net edo 688 679 599.
Ariketak, ikusentzunezkoak, talde dinamikak, erlajazioa...
Josune Martirena eta Marijo Artola psikologo, terapeuta eta espezialisten laguntzarekin, besteak beste landuko dituzte: gorputza bera, Diafreoren metodoak proposatzen dituen ariketak eginez; ikus-entzunezko eta irakurtzeko materialak; talde dinamikak; komunikazio metodoak eta erlajazioa.