Irailean behera egin du langabeziak Hernanin, 1.170 langabetu daude

langabeziak behera egin du irailean Hernanin, Gi­puz­koako joerari jarraituta. Iraileko datuak ekai­nekoekin al­deratuz gero, 21 langabetu gu­­txiago daude herrian, 1.170 guz­ti­ra. Sek­toreka aztertuz gero berriz, in­dus­tria eta zerbi­tzue­tako sek­toreetan egin du lan­gabeziak gehien behera: in­dustrian %5 jaitsi da, eta %2, zer­bitzuetan. 2010eko iraileko datuekin alderatuz gero, lan­gabezi kopurua altuagoa da 2011n, 71 langabetu gehi­gorekin.
Gipuz­koan ere, joera berdina izan da, eta ekainetik irailera bitartean behera egin du langabeziak. Ekainean 41.474 ziren lanik gabe zeu­denak, eta irailean 1.231 gu­txia­go dira, 40.243, hain zu­zen. Joan den urteko datuei erre­paratuz gero ordea, aur­ten­go irailean 2010ekoan bai­no 1.339 pertsona gehiago zeu­den lanik gabe, Gipuzkoan.

Eraikuntza, gora egin duen sektore bakarra
Paroaren datuak sektoreka az­tertuz gero, eraikuntzan izan du eragin gehiena krisiak, azken hiruhilekoan. Ekainean 128 pertsona zeu­den langa­bezian, eta irailean 2 gehiago dira lanik gabe daudenak. Ez da zenbaki esanguratsua, bai­na beste sektore guztietan langabezia jaitsi egin dela kon­tuan izanda, agerian geratzen da eraikuntzak bizi duen egoera latza.
Industria eta zerbitzue­tako sektoreek berriz, emai­tza one­kin bukatu dute hiru­hilekoa langabeziari dagokio­nean, bie­tan behera egin baitu. Industria da gehien jaitsi dena, %5a, alegia. Ekai­nean lanik gabe zeuden 226 per­tsonetatik 14k lana bilatu dute. Segidan, zerbitzuen sektorea dago (jende gehien biltzen duena), %2ko jaitsie­rarekin. Kasu honetan, 759 pertsona zeuden langabezian ekainean, eta irailean 744 ziren lanik gabe zeudenak.
Azkenik, maila baxua­goan, nekazaritzan ere behera egin du langabeziak; irailean ekainean baino bi pertsona gutxiago zeuden langabezian; 14 guztira.

25-44 urte bitarteko emakumeak, langabezia gehien jasaten dutenak
Langabezia sexuari dagokio­nean aztertuz gero, alde nabarmenarekin, emakumeak dira gehien jasaten dute­nak. Irailean 634 emakume zeuden langabezian, gizonez­koak baino 102 gehiago.
Adin tarteari erreparatuz gero berriz, bi kasuetan langabezia gehien 25-44 urte bitarteko adin-tartean dago. Kasu honetan, irailean 304 ziren lanik gabe zeuden emakumeak, eta gizonak 267 ziren. Segidan, langabetu gehien dituen adin-tartea 45 urtetik gorakoa da: emakume langabetuak 280 dira, kasu honetan; gizonezkoak 215.