Oviedo zen talderik gogorrenetakoa, denboraldia hasi aurretik, eta atzo errepasoa eman zion Hernanik, Oviedoren etxean. 10-34 irabazi zuten hernaniarrek, eta gero eta sendoago daude, sailkapeneko lehenengo postuan.
Bost entsaio, beste behin
Oviedok hortzak erakutsi zituen partidu hasieran, eta berak egin zuen lehenengo entsaioa, baina itzal bat izan zen. Hernaniarrek azkar erantzun zuten, eta erraz irabazi. Bost entsaio: I.Garmendiak, Aurik, Etxeberriak, Otxotorenak, eta zigor entsegu bat lortu zituen Hernanik. Genuak, hiru gauzaketa eta zigor kolpe bat.
Lau partidu, lau bonus
Lau partidu jokatu, eta lau bonus lortu ditu Hernanik, orain arte. 20 puntu ditu, beraz, eta bosnaka ari da gehitzen, inork ez bezala. Bera Bera taldea gertu dauka, hura ere lau partiduak irabazita, baina bi puntu gutxiagorekin. Hurrengoa, Santanderren kontra, igandean.