Goizuetako Azaro Kulturala hastear dago, baina aurretik, Jubilatuen eguna ospatuko dute goizuetarrek, gaur. Mezarekin emango diote hasiera egunari, 11:00etan, Esteban Irurzun apaizaren eskutik. Mezetan, Lesakako abesbatzak kantatuko du. Pilota partiduak izango dituzte ondotik; hiru partidu, herriko promesarik onenen eskutik. Bazkaria dute, beti bezala, plato fuertea. 14:30etan hasita, 100 lagun inguru bilduko dira Umore Ona elkartean; eta bazkalondoari piperra eta gatza jartzen, bi bertsolari: Xabier Legarreta eta Unai Agirre.