Txakurrak libre ibiltzeko leku batzuk mugatzea, hori da Udalak ostegunean proposatu zuena, herritarrekin egindako bileran. 26 lagun azaldu ziren bilerara, eta beren proposamenak egin zituzten, Animalien Ordenantzaren gainean.
Hiru puntu nagusi Udalaren proposamenak
Udalak honakoa proposatu du: Animalien Ordenantzatik kentzea txakurrei buruzko puntua, alegia, ADN probak egitea aipatzen duena. Txakurrentzat toki bereziak mugatzea ere proposatu du; eta azkenik, hori onartuz gero, ordenantza oso zorrotz betearaztea.
Jendeak proposamenak egin zituen bileran, eta oraindik badago denbora azaroaren 11 arte, emailez proposamenak bidaltzeko.
Talde batek aztertuko ditu proposamen horiek; talde horretan daude udal ordezkariak, txakur jabeak eta herriko bi albaitariak.
Bigarren bilera, hil bukaeran
Azaroaren 24an egingo dute hurrengo bilera. Bilera horretan erabakitzen dena, Gobernu taldeak Plenora eramango du.