Sozialistek, azaldu zuten, zergatik abstenitu ziren: «Proposamen hau, beste egoera ekonomiko batean onartu egingo genuen, besterik gabe. Baina garai honetan, erabaki beharko genuke ze zerga mantendu beharko genituzkeen edo jaitsi. Gure ustez, Gobernu Taldeak erabaki eroso eta populista hartu du KPI orokorrean aplikatuta eta ez dira tasak eta zergak banaka-banaka, behar bezala aztertu».
Hainbat salbuespen
Orokorrean, tasa eta zergen igoera %3koa izango bada ere, salbuespenak izango dira, esaterako, hilerriko tasetan (tarifak mantendu egingo dira) eta ur hornidura zerbitzuan. Etxeetako ur horniduran %3 igoko da tasa, ostalaritzan eta industrian %4 eta eraikuntzan eta obran, ureztapenetan eta igerilekuan %7. Etxeetako tasaren igoera %3 izatea erabaki du Udalak, «kontsumoa gutxitzea bultzatzeko, hau da, kontsumo arduratsua bultzatzeko». Beste salbuespena izango da, potentzia haundiko kotxeena.
Taxi tarifak ere, onartuta
Buruntzaldeko taxien batzordeak proposatutako 2012ko taxi zerbitzuen tarifak ere onartu ziren asteazkeneko plenoan, Bilduren aldeko botoekin eta PSE-EE eta EAJ-PNVren abstentzioarekin. Tarifek %3ko igoera izango dute.
Zaharren Egoitzari buruzko mozioak
Sozialistek, Zaharren Egoitzaren defizitari buruzko eta Diputazioak bertan duen arduraren inguruko mozioa aurkeztu zuten. Ez zen onartua izan, PSE-EE eta EAJ-PNVren botoak ez baitziren nahikoa izan. Bilduk aurka bozkatu zuen eta gaiari buruzko mozio alternatiboa proposatu zuen. Mozio hori onartu zen Bilduko eta EAJ-PNVko botoekin. Diputazioari eskatu zaio sei hilabeteko epean aurkeztu dezala proposamen bat.
Erraustegia babesteko mozioa, atzera
Sozialistek beste mozio bat ere aurkeztu zuten. Bertan eskatu zuten Udalak babestea, PIGRUG-ek biltzen dituen azpiegitura guztiak, batez ere, erraustegia. Bilduk azaldu zuen erraustegia ez dela errefusaren arazoa konponduko duen tresna, eta arazoari konponbidea bilatzeko lanean segitzeko dei egin zuen, erraustegia baztertuz eta ahalik eta hondakin gutxien sortuz, atez ateko sistemarekin. Hernanin Zero Zabor taldeak mozioa erretiratzeko eskatu zien sozialistei eta Gobernu Taldeari aurka bozkatzeko. Mozioa ez zen onartu, sozialistek eta jeltzaleek alde bozkatu zuten eta Bilduk kontra.
Gatazka politikoaren
inguruko adierazpena
Bilduk, Euskal Herriak bizi duen prozesuaren harira, agiri bat aurkeztu zuen: 1.- Hernaniko Plenoak bat egiten du Donostiako Bake Konferentziaren adierazpenarekin; eta 2.- Plenoa osatzen dugun indar politikook konpromisoa hartzen dugu gure lana eta ahalegina egiteko gatazkaren konponbidearen prozesuan. Agiria onartu egin zen Bildu eta EAJ-PNVren botoekin. Sozialistek aurka bozkatu zuten.
Bestalde, aurreko Plenoan gertatutakoarekin kezkatuta (oposizioak plenoa utzi zuen Bilduk euskera hutsean lan egitea erabaki zuelako), Hernaniko hainbat euskalzalek idatzi bat kaleratu dute eta horren berri eman zieten politikariei. Euskeraren normalizazioaren alde lan egiteko eskatu zieten.
| HAINBAT TASA ETA ZERGETAN, SALBUESPENAK | |||||||
| Trakzio mekanikoko ibilgailuen gaineko zerga | %3ko igoera | ||||||
| Turismoak 14-15,99 Zaldi Fiskal | %5eko igoera | ||||||
| Turismoak 16-19,99 Zaldi Fiskal | %7,5eko igoera | ||||||
| Turismoak 20 Zaldi Fiskaletik gora | %10eko igoera | ||||||
| Eraikuntza, instalazio eta obren gaineko zerga | |||||||
| 21.000 eurotik beherako kostua duten obrak | %0ko igoera | ||||||
| Erregimen Orokorreko Babes Ofizialeko Etxebizitzak eraikitzeko obrak | %2ko igoera | ||||||
| Erregimen Tasatutako Babes Ofizialeko Etxebizitzak eraikitzeko obrak | %3,5eko igoera | ||||||
| 21.000 euro eta 150.000 euro bitarteko kostua duten obrak | %4ko igoera | ||||||
| 150.000 eurotik gorako kostua duten obrak | %5eko igoera | ||||||
| Nekazaritzako jarduerekin zerikusia duten obrak: | |||||||
| 21.000 euro eta 150.000 euro bitarteko kostua duten obrak | %1,32ko igoera | ||||||
| 150.000 eurotik gorako kostua duten obrak | %1,65eko igoera | ||||||
| Nekazaritza jarduerarekin zerikusia duten etxebizitzetarako obrak, betiere etxebizitza hori titularraren ohiko etxebizitza gisa erabiltzen bada (dedikazio osoa): | |||||||
| 21.000 euro eta 150.000 euro bitarteko kostua duten obrak | %1,32ko igoera | ||||||
| 150.000 eurotik gorako kostua duten obrak | %1,65eko igoera | ||||||
| Nekazaritza jarduerarekin zerikusia duten etxebizitzetarako obrak, betiere etxebizitza hori titularraren ohiko etxebizitza gisa erabiltzen bada (dedikazio partziala): | |||||||
| 21.000 euro eta 150.000 euro bitarteko kostua duten obrak | %3ko igoera | ||||||
| 150.000 eurotik gorako kostua duten obrak | %3,75eko igoera | ||||||
| Tolarea izanik, sagardoa egiten duten eta txotx garai ofizialetik kanpo botilako sagardoa saldu beste ustiapenik ez duten sagardotegietako obrak: | |||||||
| 21.000 euro eta 150.000 euro bitarteko kostua duten obrak | %1,32ko igoera | ||||||
| 150.000 eurotik gorako kostua duten obrak | %1,65eko igoera | ||||||
| Udal hilerriko zerbitzuak | Tarifak mantendu | ||||||
| Ur hornidura | |||||||
| Etxeetako ur hornidura | %3ko igoera | ||||||
| Ostalaritza eta industrietako hornidura | %4ko igoera | ||||||
| Eraikuntza eta obrak, ureztapena eta igerilekuak | %7ko igoera | ||||||
| 2012ko TAXI TARIFAK | |||||||
| Tarifa mota | Irteera | Egindako km-ko | Itxaron ordua | ||||
| 1 tarifa (07:00-22:00 astegunez): | 4,8270 euro | 1,0262 euro | 19,6926 euro | ||||
| 2 tarifa (22:00-07:00 astegunez, eta 07:00-22:00 larunbat, igande eta jaiegunetan): | 5,8520 euro | 1,6438 euro | 30,9487 euro | ||||
| 5 tarifa (22:00-07:00 ostiral eta larunbatetan eta jai egun bezperan eta jai egunetan): | 6,0276 euor | 1,6932 euro | 31,8772 euro | ||||