«Prozesua babestu eta bultzatu behar dugu»

GERNIKAKO akordioaren aldeko Manifestazioa egingo da bihar Bilbon, 17:30etan eta Hernaniko eragile politiko, sindikal eta sozialek deia egin diete herritarrei parte hartzera, tartean Aralarreko E. Merinok, Erabakiko J. Uzkudunek, Ezker Abertza­leko A. Ezpondak eta Lokarriko T. Elorzak. Azaldu dute euskal herritarren gehiengoak konponbidea, bakea, normalizazio politikoa eta giza eskubide guztiekiko begirunea nahi duela: «aspalditik ezagutu ez dugun bake egoera iraunkorra nahi dugu, eta hori lortzea ezin dugu inoren esku utzi. Herritarrok hartu behar dugu parte prozesu honetan, babestuz eta bultzatuz». E. Merino- Aralar: Inoiz baino gehiago ba­bestu behar da Ger­ni­kako akordioa. Bake­rako eta normalkuntza politikorako bide bakarra da. Ho­rren erakusle dira sinatu zenetik emandako pausuak´ J. Uzkudun- Erabaki: Gizarteak momentuhonetan mugitu beharra dauka. Gernikako Akordioaren bidea indartu behar da, bakea eta konponbidea indartzeko´ A. Ezponda- Ezker Abertzalea: Gizarteari dagokio hurrengo pausua ematea, orain arte alderdi politiko, sindikatu, elkarte eta eragile sozialek eman dute. Gi­zar­tea da normalizaziorako eta bakerako motorra´ T. Elorza - Lokarri: Gernikako Akordioa oinarrizkoa da gure auzi hau konpontzeko. Bihar­ko manifestaldirako animatu nahi dut jendea: ma­nifes­tatzera eta Akor­dioaren puntuak barneratzera´