Gizarte zerbitzuei buruzko hitzaldiarekin hasiko da gaur Udazken Kulturala

eEguraldian askorik an­tzeman ez bada ere, udazkena iritsi zenetik ia hilabete pasa da, eta sasoi honetan egin ohi duten moduan, aurten ere Udazken Kulturala antolatu dute Ereñotzun. Gustu eta interes guztietarako moduko ekitaldiak antolatu dituzte, auzotar guztiek izan dezaten disfrutatzeko aukera: lehiaketak, pelikula eta diapostiba emanaldiak, auzo egun haundia, hitzaldiak... Hila­bete inguruko iraupena izango du, gaur hasi eta azaroaren 18a bitartekoa, eta tartean hamaika egunetan izango da zer egin eta zertaz gozatu.

Auzo festa eta bertso afaria, bi ekitaldi nagusiak
Udazken Kulturaleko bi ekitaldi nagusiak auzo festa eta bertso afaria izango dira aurten. Auzo festa igandean izango da, Txilibita plazan. 17:00etan hasita aukera izango da sagardoa dastatu, gaztain erreak jan, azokan konpra egin eta patata tortilla dasta­tzeko. Giroa jartzen gainera, Arrabots taldea ariko da. Bertso afaria azaroaren 5ean egingo dute, Ur mian. Kantuan, Julio Soto eta Beñat Gaztelumendi. Txartelak aldez aurretik erreserbatu edo erosi behar dira, bi modutara: Ur-Mia elkartetik pasa, edo 625 70 36 56ra deitu.

Bi hitzaldi eta hiru diapositiba emanaldi
Antolatutako ekitaldien artean, hitzaldi eta diapositiba emanaldiek pisu berezia dute aurten, guztira bost izango baitira. Antolatutako hitzaldiak bi dira, eta aurrenekoa gaur arra­tsaldean bertan emango dute An­tton Aizkorreta eta Inma Lo­pe­tegik. Landa ere­muetako Gi­zar­te Zerbi­tzuei buruzko azal­pe­nak emango dizkiete bi hizlariek gerturatzen diren guztiei, Kultur etxean, 18:00etan. Biga­rren hitzaldia azaroaren 8an izango da, Jasone Mitxel­to­re­nak eskainia. Azken aldian ge­roz eta indar haundiagoa har­tzen ari den auzolanari buruz ariko da, Auzolana: Ira­ganaren ondarea, orainaren babesa, etorkizunaren giltza izenburupean; 19:00etan Kul­tur etxean. Diapositibei dagokienean, hiru eskainiko dituzte aurten, eta guztiak ereñotzuarrek bidai ezberdinetan egindako argazkiak izango dira. Hiruak 19:30­etan izango dira, Kultur etxean. Aurreneko emanaldia Mi­kel Otegik eta Mikel Kas­trok eskainiko dute, eta bertan Islandian ikusitakoa erakutsiko dute argazki bidez: datorren astean izango da, urria­­ren 26an. Bigarrena Etio­piari buruzkoa izango da, eta bertan izandako bizipenak irudi bidez kontatuko ditu Andoni Oiartzabalek; aza­roaren 10­ean izango da. Azkenik, aza­roa­ren 15ean Lai­da Marcok era­kutsiko ditu Ka­ribeko Gua­dalupe eta Do­minikan ate­ratako argazki ederrak.

Pelikulak, ezti dastaketa...
Aipatutako ekitaldiez gain, pelikula emanaldiak ere ez dira faltako. Bi jarriko dituzte: Txokolate pixka bat etzi eta 80 egunean azaroaren 18an. Horrez gain, azaroaren 2an Julian Urkiolarekin ezti dastaketa gidatua egiteko aukera izango da. Azkenik, partxis lehiaketa etzi eta Ametsen Fabrika ipuin antzeztua azaroaren 6an dira hilabetea osatuko duten gainerako ekitaldiak.

EGITARAUA
URRIAK 19, GAUR
18:00 Gizarte Zerbitzua landa eremuan. Antton Aizkorreta eta Inma Lopetegi. Kultur etxean

URRIAK 21, OSTIRALA
17:00 Partxis lehiaketa Kultur-etxean
22:30 `Txokolate pixka bat´ pelikularen emanaldia Kultur etxean

URRIAK 23, IGANDEA
17:00 Auzo festa Txilibita
plazan:
- Bertako sagardoa dastatu eta gaztain erreak jateko aukera.
-Azoka
- Lehiaketa: Patata tortilla
onenarentzat saria
-Arrabots taldearekin erromeria

URRIAK 26, ASTEAZKENA
19:30 Islandiako diapositiba emanaldia. Mikel Otegi eta Mikel Castroren eskutik. Kultur-etxean

AZAROAK 2, ASTEAZKENA
19:00 Ezti dastaketa gidatua. Julian Urkiolaren azalpenarekin. Kultur etxean

AZAROAK 5, LARUNBATA
20:30 Bertso afaria: B.Gaztelumendi eta J.Soto
Ur-Mian. 25 euro. Txartelak salgai Ur-Mia elkartean

AZAROAK 6, IGANDEA
11:30 `Ametsen fabrika´ ipuin antzeztua. Aizarnazabalgo Adiskide Bertso Eskolaren eskutik. Kultur etxean

AZAROAK 8, ASTEARTEA
19:00 `Auzolanaren kultura: Iraganaren ondarea, orainaren lanabesa, etorkizunaren giltza´. Jasone Mitxeltorena idazlearen eskutik. Kultur etxean

AZAROAK 10, OSTEGUNA
19:30 Etiopiako diapositiba emanaldia. Andoni Oiartza­ba­len eskutik. Kultur etxean

AZAROAK 15, ASTEARTEA
19:30 Caribe ezezaguna: Gua­dalupe eta Dominica. Laida Mar­coren eskutik, Kultur-etxean.

AZAROAK 18, OSTIRALA
22:30 `80 egunean´ pelikularen emanaldia Kultur etxean.