Xake Txapelketa igandean hasiko da eta izena emateko azken eguna bihar da

Hernaniko Xake Txapel­ke­ta herrikoia hastear da, Zu­mitza tabernan. Hain zu­zen igandean hasiko da eta izena emateko azken eguna bihar da. Izena Zu­mitza tabernan eman behar da. 5 euro, izena eta telefono zenbakia edo helbide elektronikoa eman behar­ko dira (langabetuek, ikasleek, 18 urtetik beherakoek eta 65 etik gorakoek, doan).

Guztira, 7 jardunaldi
Urriak 16tik azaroaren 27ra jokatuko da txapelketa, igandetan, 16:00etan. Guztira zaz­pi jardunaldi jokatuko dira: urriak 16, 23 eta 30; azaroak 6, 13, 20 eta 27. Joko sistema sui­tzarra erabiliko da (maila be­rekoek, pun­tu berberak dituztenek, elkarren artean jokatuko dute). Jokalari bakoitzak or­­­­dubete izango du partida jo­­katzeko. Bi jokalariak ados ja­rriz gero, astean zehar joka­tzeko aukera izango dute. Bi­tan atseden har­t­zeko aukera izan­go da. Horre­ta­rako, aurreko astean (igan­de­an) eskatu beharko da eta pun­tu erdia jasoko da jo­ka­tu gabe. Azken bi jardunal­die­tan ezingo da atsedenik hartu. Sari ederrak izango dira.