Barrenetxea IV finaletik arnas batera geratu zen, atzo, partidu latza jokatuta

Promozio Torneoko finalerdia jokatu zuen atzo Endika Ba­rre­netxea hernaniarrak, Matxin IVa lagun zuela, eta galdu egin zuten 37-40, juxtu-juxtu. Matxin VIa eta Agirre­zabalak irabazi zuten partidua, aspaldiko gogorrena,­ 90 minutu ingurukoa. Herna­nia­rrak bikain jokatu zuen, eta gustora egoteko moduan da; finalerako txartelik gabe, baina hortzak erakutsita agurtu du txapelketa Martindegiko atzelariak. Finala urriaren 22an da, eta Matxin VIa eta Agirrezabalak jokatuko dute, larunbat honetako irabazlearen kontra: Oinatz-Urko edo Zulaika-Zubizarreta.