Usoak, birigarroak eta oilagorrak pasa zain dira ehiztariak

Eguraldi hotza iristearekin batera, usoak Europa ipar eta erdialdetik hegora egiten du, Afrika aldera, zonalde goxoagoaren bila. Bidaia hori egiten du­ten garaia izaten da urteko preziatuena ehiztarientzat, be­da osoa irekitzen den garaia baita. Momentu hori iritsi da, eta gaurtik aurrera usoak, birigarroak, oilagorrak... denetatik ehi­zatzeko aukera izango da, be­da osoa irekiko baitu Gi­puz­koako Dipu­tazioak probintzia osoan. Hernanin Txantxan­gorri elkartea ar­duratzen da ehiza postuak zozketatzeaz, egu­nero. Zozketak beda er­diarekin hasten dira, baina benetako ehiztari mugimendua beda osoa zabaltzen denean izaten da. Hortaz, gaur hasi eta abendura bitartean kolak izango dira Txantxangorri elkartean, egu­nero 20:00etan egingo diren zozketetan.

Hiru ehiza guneak zabalik
Hernanin hiru gunetan ehizatu liteke beda osoa zabal­tzen denean: Montebideon, Azketan eta Larregainen. Azken urteetako datuei erreparatuz gero, bi azkenekotan botatzen dira pieza gehien, nahiz eta Mon­tebideon ehizatzeko egun gehiago izaten diren. Joan den urtean esaterako, gehien ehizatu zen gunea Larregain izan zen, 472 pieza botata; ondoren, Azketa 451 botata; eta azkenik Montebideo, 140 botata. Ehiztari kopuruak aztertuz gero, guztira 3.819 ehiztari federatu ziren joan den urteko ehiza denboraldian. Horietatik gehienak Montebideon aritu ziren ehizean, 1.451 guztira; ho­ri bai, kontuan izanda 103 egunetan izan zela bertan ehi­za­tzeko aukera. Larregainen 946 ehiztari aritu ziren 55 egu­ne­tan. Az­kenik, Azketan 1.236k egin zuten ehiza, 52 egunetan.

Usoa preziatuena, Birigarroa ehizatuena
Beda osoa zabaltzen denean beste hainbat espezie ehiza­­­­tzeko aukera ere badago, usoa da ehiztarien artean preziatuena. Joan den urteko datuak aztertuz gero, bota ziren piezen artean birigarroa da, nabarmen, gehien ehizatu zena, 900 pieza. Oso atzetik, ehizatu ziren usoak 108 izan ziren; eta oilagorrak berriz, 10. Azkenik, denboraldi osoan bota ziren bestelako piezak 45 izan ziren. Ehiza denboraldia ona izateko hego haizea da klimarik e­go­kiena. Txantxan­go­rriko Agu­s­tin Urretabiz­kaiak azaldutakoaren arabera, hego haizea dagoenean usoak beheragotik egiten du bidea hegan, eta orduan izaten da ehizatzeko aukera: «uso­ak indar haundia du, eta hotza egiten badu, altuera haundian egiten du hegan... behetik joateko eguraldi epela behar du». Urretabizkaiaren esanetan, joan den urtean eguraldiak ez zuen askorik lagundu, eta denboraldiaren balorazioa kaxkar xamarra izan zen. Aurten ordea, batez ere azken asteetan egiten ari den eguraldi ona ikusita, esperantzarekin dira.

Oilagorra saltoan bakarrik, txakurrarekin ehizatu liteke
Joan den urtean hasi ziren oilagor ehiztariak parte guztien berri Gipuzkoako Fede­razioari ematen, Agustin Urre­tabiz­kai­ak dio ondo funtzionatu zuela. Oilagor ehiztari bakoi­tzak txar­tel bat izaten du, be­re datuekin. Hala, ehiza ate­ra­tzen den bakoitzean eguna eta non ibili den apuntatu be­har du bertan. Oilagorren bat ehizatuko ba­­lu, txartel ho­rretako pegatina moduko bat kendu eta oilagorrari jarriko lioke hankean. Txa­­­telak dituen 15 pegatinak bu­ka­tuta, ehiztariak txartela en­tre­gatu beharko du, eta behar edo nahi izanez gero, beste bat eskatuko du. Hala, bai Gi­puz­koako federazioak eta baita Eu­ropako erakundeek zenbat oilagor ehiza­tzen diren jakiten dute. Horrez gain, oilagorrak saltoan bakarrik ehizatu litezke hemendik aurrera, txakurrarekin. Beraz, orain arte egin den bezala, zain egonda ehizatzea debekatua egongo da.

Parte sistema zabalagoa, esperimentu gisa
Zenbat oilagor ehizatzen di­ren bakarrik ez, Dipu­ta­zioak orokorrean zenbat ehizatzen den ere jakin nahi du, eta horregatik aurten eguneroko parte sistema jarri du mar­txan, esperimentalki, ehi­za gune batzuetan, horien artean Hernaniko hiruak. Urre­tabizkaiak dioenez, federazioak eskatu die eguneroko parteak egitea. Hala, zozketa ba­koi­tzean ehizatutakoa apun­tatzeko txartela bana­tzen diete ehiztariei, eta hauek hurrengo eguneko zozketaren aurretik entregatzen dute datuak apuntatuta. Urretabizkaiak dio ari direla egiten, baina oso zaila dela: «gure borondatea ez da nahikoa, ehiztari guztiek ere parte hartu behar dute, eta hori oso zaila da».