Euskal Herriko albokariak Hernanin

Joan den ostiral eta larunbatean Albokarien Topaketa izan zen Hernanin, 18garren aldiz. Ostiralean, Adarrots, folk taldeak kontzertua eskaini zuen Sandiusterrin. Larunbatean, berriz, egun osoko festa izan behar zuena arratsaldera mugatu zen, eguraldi kaxkarraren eraginez. Dena dela, alboka doinuez gozatzeko aukera ederra izan zen, Euskal Herriko albokariek emanaldia eskaini baitzuten Atsegindegin; tartean, hernaniarrek.