Goizuetak ez dio nolanahiko marka jarri Hernaniri

Goizuetak aixa gainditu zuen larunbatean Oiartzu­nek iaz jarritako marka (354 kizki-lagun): 400 kizki-lagun erregistratu ziren Goizueta­ko plazan, denera 518 bat izango zirela kalkulatzen duten arren antolatzaileek. Beraz, Goizue­tak jarri du marka berria eta datorren urtean Hernanik izango du 400 kizki-lagunetik gora biltzeko erronka. Goizuetak Oiartzunek bo­ta­tako desafioa hausteaz gain, eguraldia ere lagun izan zuen eta giro ederraz gozatu ahal izan zutela azpimarratu dute antolatzaileek. Herri bazkarian 340 bat lagun elkartu ziren. Arratsaldean, berriz, sa­gar­dogintzarekin lotutako he­rri kiroletan hartu zuten parte Astigarragak eta Oiartzunek alde batetik, eta Goizuetako bi taldek bestetik.