kultura ezberdinak ezagutu, elkarren harteko harremana bultzatu eta etorkinei dagozkien hainbat arlo ezagutzea izango dute helburu aurten ere Aste Multikulturaleko ekitaldiek. AMHER elkarteak antolatu ditu guztiak, eta asteazkenean hasi eta ostiralera bitartean, hitzaldiak, narrazioak, erakusketa eta txokolatada izango dira.
Atzerritarren lege berriari buruz ariko da etzi Unzurrunzaga
Aste Multikulturaleko aurreneko bi egunetan hitzaldiak izango dira protagonista. Aurrenekoa, SOS Arrazakeriako kide den Agustin Unzurrunzagak emango du asteazkenean, atzerritarren lege berriaren inguruan. Unzurrunzagak legea bera azalduko du lehendabizi, eta ondoren, gobernuak martxan duen politika migratzailearekin duen zerikusia azalduko du. Azkenik, atzerritarren egunerokoan araudiak izango duen eragina esplikatuko du: lana eta bizitoki baimenak, bertan finkatzea nola erregulatu, familietan nola elkartu, bere herrira boluntarioki nola bueltatu... Hitzaldia Biterin izango da, 19:30etan. Eskoletan kultur aniztasuna nola bizi azalduko du Pereak ostegunean Bigarren hitzaldian ume eta gazteak izango dira protagonista. Ostegunean emango du Mireia Pereak, eta eskoletan kultur aniztasuna nola bizitzen duten azalduko dute. Ume eta gazteak eskola berrietan nola egokitzen diren azalduko du, eta hauen kultura eta tradizioa ezagutzeak duen garrantzia esplikatuko du. Hitzaldi hau ere Biterin izango da, 19:30etan.
Ume eta helduentzat aho narrazioak, ostiralean
Asteko egun nagusia ostiralekoa izango da, eta ekitaldi gehienak ere orduan izango dira: aho narrazioak eta txokolatada. Umeen narrazioa arratsaldeko 17:00etan hasiko da eta Alekos kolonbiarrak egingo du. Asto baten gainean liburuak banatzen dituen Kolonbiako gizon baten istorioa kontatuko du. Narrazioa amaituta, txokolatada izango da gerturatu diren guztientzat. Ondoren, helduen narrazioa hasiko da Arcalia venezolarraren eskutik. Indiako eta Dominikar Errepublikako hainbat mito kontatuko ditu.
Erakusketa, Biterin
Azkenik, Ni ere gizakia naiz erakusketa egongo da Biterin, aste osoan zehar.
Urriak 5, asteazkena
19:30 `Atzerritarren arau berria´ hitzaldia. Agustin Unzurrunzagarekin.
Urriak 6, osteguna
19:30 `Kultur aniztasuna eskolan´ hitzaldia. Mireia Perearekin.
Urriak 7, ostirala
17:00 Aho narrazioak umeentzat.
18:00 Txokolatada
19:30 Aho narrazioak helduentzat.
Astean zehar
Erakusketa: `Ni ere gizakia naiz´