Hernani prest, lehenengo mailara igotzeko

«Nik uste aurten lortuko du­gula. Lortu behar dugu», ha­laxe dio Javier Seco senior A taldeko bigarren entrena­tzai­leak, aurten, Hernani Oho­rez­ko B mailatik A mailara igo­ko den galdetuta. Aurreden­bo­ral­dia ondo joan dela eta taldea oso ondo ikusten du­tela azaldu diote Kronikari Se­co eta Pa­trick Polidori en­tre­natzaileek. «Taldea oso on­do ikusten du­gu. Udan la­nean ondo aritu gara eta iaz lesionatuta zeuden bost jo­kalari garrantzitsu be­rres­kuratu ditugu. Igo diren ju­benilek ere maila ona dute». Denera 11 jubenil igo dira seniorretara eta horietatik 4-5 ariko dira lehenengo taldean. «Taldea prest dago igotzeko. Ia 30 jokalari badauzkagu badakitenak jokatzen, jokatzea nahi dugun bezala», dio Polidorik. Dena dela, zorteak ere eragina izango duela nabarmendu dute: arbitroak, eguraldia...

Aurten, konbinazio garrantzitsua

Polidorik hirugarren denbo­ral­dia egingo du aurten, Her­na­nin. Lehenengo urtean igo­tze­tik puntu batera geratu zi­ren. Iaz, berriz, baja asko izan zi­ren eta taldea ia hutsik izan zuen. Horrez gain, taldean aurre­ko urteko ajea na­ba­ritzen zela dio entrenatzaileak. Dena dela, hasiera kaxkarra izan bazuen ere, laugarren postuan bukatu zuen iaz Hernanik. Seco jokalaria izan da orain arte, oraindik ere partiduren bat jokatuko du agian, eta aurten entrenatzaile gisa ariko da, Polidorik lagun­tzailea behar baitzuen aurreko jokalarientzat. Secoren iri­tziz, «aurreko urtean akats bat izan zen, lehiakortasun falta. Ez genuen sinetsi ahal genuela. Egia esan, ia hiru urtez jarraian igoera fasea jokatu dugu eta beti atarian geratzen bazara, horrek eragina du. Baina aurten izango dugu gazteen ilusioa, gogoa... falta genuena. Orain dauzkagu aurrean jokatzeko eskarmentua du­ten jokalariak eta alboan, gaz­teak gogoekin. Kon­bi­na­zio hori iruditzen zait dela oso interesgarria». Konbinazio horrek ematen dituen fruituak ikusteko auke­ra izango da gaurtik aurre­ra, izan ere, gaur ekingo diote den­boraldiari. Durango­ren aur­ka jokatuko dute, Harri­pau­setan, 12:00etan. Eta bi en­tre­na­tzai­leen esanetan, Herna­nik ez lu­ke arazo haundirik izan behar irabazteko. Bestal­de, ligako aur­karirik gogorrenak Bera-Be­ra, Bartzelona eta Oviedo izango direla aurreikusten dute.

Klubak, bide berria

Polidoriren ustetan, Her­­na­ni­ko errugbi elkarteak oro­­ko­rre­an, bi­­­­de berria hartu du. «Ebo­luzio bat ikusi dut. Kategoria guztietako taldeetan, lehenengo tal­de­­ko jokalariak daude entrena­tzaile gisa eta beraz, jo­ka­tze­ko estilo bera zabaltzen ari da. Ja­rrai­pen bat dago. Ho­rrez gain, orain txikitatik erakusten da lehiatzen eta lehenengo taldera igotzerako, jokalariek ba­da­kite maila ho­netan jokatzen».

200 lagun inguru

Aurten, 200 lagun inguru ariko dira errugbi elkartean, inoizko talde eta jokalari gehien. Sei tal­de ariko dira lehiatzen: Senior A eta B, nesken taldea, jubenilak, kadeteak eta infantilak. Senior B taldeari dagokionean, Secok dio garrantzitsua litzatekeela taldeak, talde izae­ra hartzea eta pixka bat finka­tzea; konpetitzeko prestatzea. Gainerakoan, sekulako ha­rro­bia dagoela azaldu diote Kro­nikari. Horrez gain, nesken taldea izango da aurten. 20tik gora neska ari dira prestatzen abenduan denboraldia hasteko eta ilusio eta gogoz daudela az­pi­marratu dute bi entrenatzaileek.

Bazkide-laguntzaile beharrean

Elkartea indartsu dago, baina ekonomikoki egoera kaxkarrean. Hori horrela, bazkide-la­gun­­­tzaile egiteko kanpaina ja­rri dute martxan. Bazkide-la­gun­tzaile egiten denak, urtero 30 euroko kuota ordainduko du, eta trukean, Ohorez­ko B mai­lako etxeko partidu guztietan zozketa batean parte hartuko du. Zozketa bakoitzean, Hernaniko jatetxe eta sa­gar­do­tegi ezberdinetan bi la­gu­nen­tzako otordu bat zoz­ke­ta­tu­ko da. Izena ema­teko pun­tu­ak: errugbi elkartea eta Her­na­­niko Kaxkoko tabernak.