Ereñotzuarrek Aranoko Igoera herrikoia antolatu dute bihar, azken zazpi urtetako ohiturari eutsiz. Igoera bizikletaz da. Proba herrikoia dela azpimarratu dute antolatzaileek eta adin tarte guztietako herritarrei parte hartzeko dei egiten diete.
Lasterketa eta gero, bazkaria
Lasterketa goizeko 10:30etan hasiko da. Ondoren, 14:00etan, bazkaltzeko aukera izango da Aranoko Kontzejuan. Babarrunjana antolatu dute eta irekia izango da, hau da, bizikletaz igo ez denak ere izango du bertan bazkaltzeko aukera.