BURUNTZALDEA IKT igeriketa taldeak Master atala atera nahi du aurtengo denboraldi berrirako. Kronikara bidali duten oharrean azaldu dutenez, Master atalaren barruan era guztietako igerilariak sartzen dira, hala nola, igerilari popularrak, igerilari ohiak, triatloilariak, igerilariak, itsas zeharkaldiak, eta abar. Oharrean diotenez, entrenamentu egunak zehaztu dituzte dagoeneko, eta astelehen, asteazken eta ostiraletan izango dira, Lasarte Oriako igerilekuan.
Ordutegia aukeratzeko, `www.buruntzaldeaikt.blogspot.com´
Ordutegiei dagokienean, oraindik zehazteko daude, diotenez, interesatuek aukeratu behar baitute ondo datorkien ordua. Horretarako, www.buruntzaldeaikt.blogspot.com web orrian sartu behar dute, eta eskuineko zutabean inkesta moduko batean aukeratu behar dute ondo datorkien ordutegia. Azaldu dutenez, ordutegi bat baino gehiago aukeratu daiteke. Azkenik, guztia zehaztuta dutenean, hau da, ordutegiak, arautegia, entrenamentu egunak, kuotak eta abar, Masterrak atalean publikatuko dute, eta interesatuekin bilera deituko dute.