Xalaparta elkarteak Aranora martxa eta Sagardo Txapelketa antolatu ditu urrian. Ibilaldia urriaren 9an izango da eta elkartetik jakinarazi dutenez, izena eman nahi duenak orria jarrita dauka ohiko lekuan. Izena emateko epea urriaren 2an bukatuko da, hau da, datorren igandean.
10 sagardo, lehian
Sagardo Txapelketa urriaren 21ean izango da, ostiralez. Bertan, 10 sagardo izango dira lehian: Hernanitik, Altzueta, Elorrabi, Itxasburu, Larre gain, Olaizola eta Zelaia; Zubietatik Astiazaran (iazko irabazlea); eta Astigarragatik, Bereziartua, Oialume zar eta Oiarbide.
Txapelketarako, menu ederra prestatu dute: txorixoa sagardotan, bakailua pil pil eran, entrekota, gazta eta intxaurrak, eta kafea, kopa eta purua. Prezioa: 26 euro. Joan nahi izenez gero, izena urriaren 16a baino lehen eman behar da.