‘El testamento francés’ liburuarekin hasiko dira Literatur Solasaldiak, urrian

Askotan, liburu bat irakurri eta norbaitekin konparti­tzeko gogoz izaten gara. Irakurritakoak sortutako sentsazio, kezka, zirrarak... konpartitzeko gogoz. Baina zeinekin konpartitu liburua irakurri duen inor ez bada gure inguruan? Literatur Solasaldiek horretarako bidea ematen dute.
Aurrez zehaztutako liburua irakurri ostean, Udal Liburutegian biltzeko aukera dago irakurritakoari buruz hitz egiteko. Eta udako oporraldia bukatuta, urrian mar­txan jarriko dira, berriz. Hain zuzen, urriaren 5ean, Andrei Makineren El testamento francés liburuarekin hasiko dira Literatur Solasaldiak. Sola­saldia gazteleraz izango da, Jose Luis Cancho dinamiza­tzailearekin. Ohi bezala, hi­tzordua 19:30etan da.
Hurrengo liburua J.L. Zabalaren Gertaerei begira da. Solasaldia urriaren 18an izango da, euskeraz, Ane Mayoz dinamizatzailearekin.

Liburuak, eskura
Liburuak eskuratzeko, Udal Liburutegiko langileekin harremanetan jartzea besterik ez dago. Jakinarazi dutenez, ale nahikorik ez balego, beste liburutegietako aleak ekarriko lituzkete eta parte hartzen dutenen artean moldatzeko aukerak aztertuko lituzkete. Informazio gehiago, Udal Liburutegian.

Udazkeneko egitaraua:

Euskeraz:
Urriak 18: ‘Gertaerei begira’,
J.L. Zabala
Azaroak 22: ‘Amaren eskuak’, Karmele Jaio
Abenduak 13: ‘Eguzki kolpea’, Horacio Quiroga

Lekua: Udal Liburutegia
Ordua: 19:30
Gidaria: Ane Mayoz

Gazteleraz:
Urriak 5:  ‘El testamento
francés’, Andrei Makine
Azaroak 9: ‘Una vez en Europa’, John Berger
Abenduak 14: ‘El jardín de los Finzi-Contini’, Giorgio Bassani

Lekua: Udal Liburutegia
Ordua: 19:30
Gidaria: Jose Luis Cancho