Azken unean, ihes

Atzokoan ere azken minutuetan egin zion ihes garaipenak Hernaniri. Partidu zaila zuen Gernikaren aurka, faboritoetako baten aurka, eta indartsu hasi ziren txuri-berdeak. Lehe­nengo zatia aurretik bukatu zu­ten, 1-0, Omar Garciak sartutako golarekin. Bigarren za­tian berdinketa iri­tsi zen. Her­nanik, ordea, eutsi egin zion eta azken 15 minutuetan, jo­kaldi eder bat tarteko, Julen Goiak 2-1ekoa sartu zuen. Her­nanik denboraldiko lehenengo garaipena lortuko zuela zirudien, baina hiru minuturen faltan, Gernikak 2na ber­din­tzea lortu zuen penalti bati es­ker. Hurrengo partidua asteazkenean izango du Barakal­do­ren aurka, beste talde faboritoetako baten aurka. 20:15etan izango da, Barakaldon.