Etiopiako Wukro herriari laguntzeko eta elkartasuna adierazteko Elkartasun Jardunaldiak antolatu ditu asteburu honetan, Hernani Wukrorekin batzordeak eta gaur, jardunaldiak amaitzeko, meza eta bazkaria izango dira. Meza goizeko 09:00etan izango da Agustindarren elizan. Elkartasun bazkaria, berriz, eguerdiko 14:00etan izango da Txantxangorri elkartean.
Materiala erosgai
Bestalde, Elkartasun Jardunaldiak batez ere asteburu honetan zentratu badira ere, hilabete osoan material ezberdina salgai egon da, bertatik lortutako dirua Wukrora bideratzeko. Gaur ere izango da materiala erosteko aukera: kamisetak gizonezko eta emakumezkoentzat, mantalak, motxilak... kolore ezberdinetan izango dira, aukeran, guztiak 10 euroan.