Ginkana eta bigarren eskuko azoka berezia gaur, Atsegindegin

Mugikortasun astea bete betean da Hernanin, eta azken hiru egunetan bezala, gaur eta bihar ere hainbat ekitaldi izango dira herrian. Europa osoan irailean o­s­patzen ari den Mugikortasun Iraunkorraren Astearekin bat egin du Udalak, eta Mugitu zaitez: hobetu zure mugikor­tasuna! lemapean, hel­burua da eguneroko bizitzan kotxe gutxiago eta garraio publiko gehiago erabiltzea.

Bost egun, ekintzez josita
Asteazkenean ikus entzu­nezko emanaldiarekin hasi zen Mugikortasun Astea, eta ordutik beste bi ekintza ere egin dira: kotxerik gabeko eguna  ostegunean, eta haur eta nagusien entreteni­men­turako zirkuitua atzo. Gaur berriz, asteburua dela apro­betxatuta, bi ekintza egingo dira Atsegindegin: goizean bigarren eskuko azoka be­rezia, eta arratsaldean gin­kana. Bihar berriz, Hernanin barrena bizikletan ibiltzeko aukera izango da, 09:30eatik 12:00etara.

Erabilitako bizkletak saldu, erosi edo trukatzeko aukera
Herritarrek aukera paregabea dute gaur, erabilitako bizikletak saltzeko, erosteko, edo trukatzeko. Bigarren eskuko azoka berezia jarriko dute Atsegindegin, eta bizikletekin batera, mu­gi­kortasunarekin lotura duten edozein objektu edo osagarri izango dira aukeran: patinak, patineteak, kaskoak, jantziak...
Azokan edonork izango du etxetik eramandako bi­zikleta edo objektuak sal­tzeko aukera. Horretarako, saldu nahi dutena 09:00­etatik 10:30­etara eraman beharko dute Atsegindegira; bertan eman beharko dira datu per­tso­nalak eta finkatuko da bi­zikleta salduko den prezioa; prezioa ezingo da 300 euro baino altuagokoa izan. Anto­lakun­tzako taldea arduratuko da azoka zabalik dagoen ordu­tegian, 10:30­etatik 13:30etara, zaintzeaz eta saltzeaz. Saltzeko utzi diren objektuen bila 13:30­etatik 14:00etara pasa be­harko dute jabeek.
Horrez gain, tailer moduko bat ere jarriko dute, eta erruedak nola aldatu, pintxazoak nola konpondu eta beste hainbat truko erakutsiko dituzte.

Kirol egokituaren ginkana, ariketa berriekin
Arratsaldean kirol egoki­tua­ren ginkana antolatu dute Atse­gindegin, 17:15etatik au­rrera, aurten ariketa be­rrie­kin: golf egokitua, punteria ber­tikala eta giltzak egiteko tailerra. 10 ariketa eta 3 tai­lerretan parte hartzeko au­kera izango da, guztiak diskapazitate batekin zeri­kusia dutenak. Koxkak, laguntzaileetako batek, azal­du duenez, gin­ka­naren fun­tsa diskapazi­ta­tea duten per­tsonaren tokian jar­tzea da: «helburua da egu­ne­roko bizi­modua egiteko di­tuz­ten zail­tasunak ikastea».
Koxka elkartearen iritziz, Gin­kana aukera ona izan dai­-teke mugikortasunaren in­gu­ruan sakonago pentsatzeko: «mu­gikortasuna ez da soilik bi­degorriak gehiago erabil­tzea, edo autoa gutxiago hartzea. Au­tobus urbanoak denok erailtzeko moduan egokitzea ere bada, eta baita zebra bideak errespetatzea edo  dis­kapazitatea duten per­tsonen tokian ez aparkatzea. Alegia, beste sentsibilitate bat izatea mugitzeko zailtasun gehiago duten pertsonekiko».
Azaldu dutenez, ginkanan parte hartuko duenari kartoi bat emango diete, zer-nolako ariketak egin behar dituen jakiteko. Ariketak egitean, puntuazio bat emango zaio. Denetatik puntuatuko da: ariketak nola egin diren, gogoa, sinpatia, sen­tsibilitatea...
Ginkana bukatuta, txo­ko­latada izango da bertan parte hartu duten guztientzat.