Hernaniko errugbi elkarteak Mus Txapelketa antolatu du, lehenengo aldiz. Urriaren 7tik aurrera, ostiralero izango dira partidak gaueko 22:00etan, Landare elkartean. Lau erregetara izango da. Izen ematea zabalik dago, urriaren 2ra arte. Honako taberna eta jatetxetan eman daiteke izena: Saretxo, Kixkal, Apeadero, Tripontzi, Atxur eta Zintzarri.
Lehenengo zortzi
bikoteentzat, sariak
Sari ederrak izango dira lehenengo zortzi bikoteentzat. Lehenengoak: garaikurra, afari bat 2 pertsonentzat Saretxo jatetxean, txerrikume bat, 2 cava botila, gazta bat eta Habana 7 botila bat. Bigarrenak: afari bat 2 pertsonentzat Tripontzi jatetxean, 2 txuleta, 2 Magnun ardo botila, gazta bat eta Habana 7 botila bat. Hirugarrenak: txerrikume bat, 2 ardo botila, Bakioko 2 txakoli botila eta Habana 7 botila bat. Laugarrenak: 2 txuleta, 2 ardo botila eta Bakioko 2 txakoli botila. Bosgarrenak: Alejandro produktuen iberiko sorta bat. Seigarrenak: 2 ardo botila. Zazpigarrenak: cava botila bat. Zortzigarrenak: patxaran botila bat.
Mariskadan, 1438 zenbakia
Asteburu honetan Hernani errugbi elkarteak egin duen mariskadaren zozketako zenbaki sariduna, honakoa izan da: 1438. Boletoaren jabeak elkartearekin harremanetan jarri behar du telefono zenbaki hauetara deituta: 943 55 76 96 edo 656 726 500.