Eguraldi petralak ez zuen festa geldiarazi

euriari protagonismorik eman gabe, ilusio eta gogoarekin ospatu dituzte hernaniarrek Euskal Jaiak aurten ere, bi egunetan. Atzo Plazatik Atsegin­degira eraman zuten eguneko ekitaldi nagusienetako bat, Sagarra eta Sagar­doaren festa. Jendeak ederki hartu zuen leku aldaketa, eta eguerdia bitartean leporaino bete zen: batzuk sagarrak edo erakustaldiak ikustera gerturatu ziren, eta besteak, hain preziatu den sagardoa probatzera. Trikitixa txapelketa Uda­leko arkupetan jokatu zen, eta bertara ere herritar ugari gerturatu ziren euskal musikaz gozatzera. Onenak Beñat Ganboa (Aret­xa­baleta) eta Amets Ormae­txea (Arra­sate) izan ziren. Bi­garren, Paul Eizmendi (Do­nostia) eta Eider Manso (La­sarte) geratu ziren; eta hirugarren Olatz Jaka eta Leire Arizaga hernaniarrak. Pelota partiduak ere lekualdatu egin behar izan zituzten, Tilosetatik kiroldegira. Paleta goman, Pagola eta Semperrek irabazi zuten Huizi eta Goikoetxearen kontra, 30-17. Eta eskuz, Arrieta eta Esnaolak irabazi zuten 22-21 Errasti eta Urruzolaren kontra.