NEL Nik ere Euskeraz Lanean izeneko proiektua sortu dute Banaiz Bagara elkarteak, Emun kooperatibak, Buruntzaldeko, Donostiako eta Billabonako udalek, Caritasek eta Esperanza Latina elkarteak, Diputazioaren eta Kutxaren laguntzarekin. Proiektu honek, etorkinei eta interesa duten pertsonei, lanean euskera ikasteko aukera ematen die. Martxan, urritik aurrera jarriko da eta izena emateko epea zabalik dago dagoeneko. Egitasmoa, pilotua da eta parte hartzea, doakoa. Lehenengo taldea, etxeko lanak egiten dituzten langileei eta dagozkien familia euskaldunei zuzendua dago. 12 familia eta langilek hartu ahal izango dute parte. Langileek eta familiek elkarrekin ikasiko dute nola bideratu euren lan harremana euskerara.
Euskeraren bidez lanerako eta gizarteratzeko aukera gehiago izatea, helburu
Proiektuaren sortzaileek hainbat helburu lortu nahi dituzte: familia euskaldunek aukera ematea pertsonen zaintza edo etxeko lanak euskeraz egin ahal izateko; etorkinek euskera ikastea eta horren bidez lanerako eta gizarteratzeko aukera gehiago izatea; lan munduaren euskalduntzearen barnean bide berrietatik ibiltzea; eta etorkizunari begira, etorkinek euskeraren bidez lana aurkitzea.
Tailerra Ategorrietan (Donostia) dagoen Laguntza Etxean emango dute Banaiz Bagara eta Emuneko irakasleek. Informazio gehiagorako edo izena emateko: 943 711 847/645 733 818 edo banaiga@gmail.com.