Ibarburu bigarren eta Tolosa hirugarren, Kontxako Badian jokatutako zeharkaldian

EGURALDI apartak lagunduta, Kontxako Badiako Itsas Zeharkaldia igeriketa proban hartu zuten parte Hernaniko 10 igerilarik larunbatean. As­korentzat itsaso zabalean ari­tzen ziren aurreneko aldia izan zen, baina Ibarburu eta Tolosa igerilari hernaniarrek ez zuten traba askorik aurkitu, biek domina eskuratu baitzuten. Mitxelena, Esnal, Goi­koe­txea, Egiazabal, Iglesias, Arribillaga, Tolosa, Ibarburu, Vazquez eta Alkorta izan ziren zeharkaldian parte hartu zuten igerilariak. Aurreneko seiak 2.200 metroko frogan aritu ziren, eta azkeneko lauak infantiletan hartu zuten parte, 750metroko frogan. Nagusiak ondo aritu baziren ere, igerilari hernaniarrek azken maila honetan eskuratu zituzten emaitzarik onenak. Iñi­go Ibarburuk, mutilen proban, 8 minutu eta 31 segunduko denbora eginda lortu zuen bigarren postuan helmugara­tzea. Itsaso Tolosak berriz, nesketan hartu zuen parte, eta 10 minutu eta 18 segunduko denbora eginda eskuratu zuen hirugarren postua.