Zigor Iturrieta azkarrena Trail du Sancy-ko ultra trailean, karrerako marka hobetuta

azken bi mendi lasterketetako erakustaldien ostean, Zigor Iturrietak atera du Mont Blanc-eko ultra traila bukatu ezin izanaren aran­tza. Trail du Sancy-ko ultra trailean hartu zuen parte igandean, eta aurrenekoa, azkarrena izan zen helmuga pasatzerako orduan. Goizeko 04:00etan hasi zen lasterketa, eta aurretik 80 kilometroko lasterketa zuen, 4.000 metroko desnibel positibokoarekin. Irteeran bost ziren txapelketa irabazteko faboritoak, tartean Iturrieta, eta hori nabaritu zen lasterketa hasieratik. Reyt, Court eta Iturrieta lasterketaren bu­ruan joan ziren hasieratik, eta Iturrietak 52garren kilometroan lortu zuen ihes egitea. Handik aurrera bakarrik bukatu zuen lasterketa, eta 8:00:26ko denbora eginda irabazi zuen. Irabazteaz gain, karrerako marka egitea ere lortu zuen. Orain hurrengo erronkan du burua Iturrietak, Isla Reu­nio­nen jokatuko den La Dia­gonale des Fous lasterketan, 160 km dituen ultra trailean.