DENBORALDIA ezin hobeto hasi dute Ioritz Arrieta eta Eneko Aizpitarte pelotari hernaniarrek Euskal Jaietako torneoa irabazita, 22-21. Asteburuan jokatu zen Donostiako Trinitate plazan, eta aurkari Insausti eta Hernaniko San Sebastian pelotariak izan zituzten. Partidua ikaragarri gogorra eta berdindua izan zen, ordu eta erdi ingurukoa. Lau pelotariak bikain aritu ziren defentsan eta maila haundia dutela erakutsi zuten. Hala, uste baino gehiago luzatu zen, eta azkeneko tantuak ia ilunpean jokatu behar izan zituzten. Azken orduko zailtasunak medio, onenak Arrieta eta Aizpitarte izan ziren.