Hernani 2-Beasain 2
Berezi eta Elberdinek 2-0 aurreratu zuten Hernani atzo, Beasainen kontra Zubipen. Hala ere, bi puntuk ihes egin zien, eta bakarra eskuratu zuten, Beasainen kontra 2-2 berdinduta; berehala etorri zen goierritarren erreakzioa, eta berdinketa. Partiduaren azken txanpan bi taldeek izan zuten garaipenaren gola egiteko aukera, baina ez zuten asmatu.
Hernanik Balmasedaren kontra jokatuko du datorren astean, ligako laugarren partidua.
Jubenil eta kadeteek gaur hasiko dute denboraldia
Hirugarren mailako taldeaz gain, Hernaniko beste bi taldek ere partidua izango dute asteburuan. Denboraldiko aurrenekoa jokatuko dute gaur Euskal Ligako jubenilek, Getxoren kontra; Faduran izango da, 17:00etan. Eta Ohorezko Mailako kadeteek, Beti Gazte hartuko dute Zubipen, gaur baita ere, eguerdiko 12:00etan.