IKASTURTE berrian euskera hutsetik ikasi edo hobetu nahi dutenentzat aukera zabala dute Udal Euskaltegian. Matrikulazio kanpaina zabaldu dute aste honetan, eta irailaren 23ra bitartean, klase, saio eta jarduera askoren artean aukeratu liteke.
Autoikaskuntza,
euskalduntzea, guraso eta merkatarientzat taldea...
Euskera ikasi edo hobetzeko eskaintzen dituzten aukeren artean, euskalduntzea da bat. Aukera honetan, klasea, astelehenetik ostegunera jasotzen da, egunean bi ordutan. Horrez gain, ikaslea beste ordu erdi ere gera liteke bertan, ikaskideekin etxeko lanak egiten, zalantzak argitzen... eta tutoretza egiteko aukera ere bada. Euskalduntze aukera hiru ordutegitan ematen dute: goizez, arratsaldez eta gauez.
Guraso eta merkatariena da Udal Euskaltegiak eskaintzen duen beste aukeretako bat. Eguerdian, 14:30etatik 16:30etara ematen dituzte hauentzat euskera klaseak, astean hiru egunetan, bi ordu egunean.
Autoikaskuntza eta euskerako perfil ezberdinetako azterketak prestatzeko aukera ere ematen dute, hala nola, HABEko 1, 2 eta 3garren mailak, IVAP, EGA...
Erabilera sustatzeko,
jarduera ezberdinak
Euskera jakin, baina erabilera sustatu edo hobetu nahi dutenentzat jarduera ezberdinak ere antolatzen dituzte: asteburuko barnetegiak, tailerrak, hitzaldiak...
Matrikulatzeko,
eta infomazio gehiago eskatzeko nora jo
Udal Euskaltegian izena astelehenetik ostiralera eman daiteke, goizez, 09:30etatik 13:30etara, eta arratsaldez, 16:30etatik 19:30etara. Informazio gehiago eskuratzeko berriz, bi bide daude: telefonoz, 943 33 18 96ra deituta, edo emailez, euskaltegi@hernani.net helbidera idatzita.