Ibai Alba azpitxapeldun, Urruñan

Udaran zehar lortutako zazpi podiumak gutxi balira bezala, Ibai Albak beste bigarren postu bat eskuratu zuen larunbatean Urruñako lasterketan; Laurent Galinierrek irabazi zuen, Frantzia eta Euro­pako duatloi txapeldunak. Txa­pelketa 9,3 km-koa izan zen, eta ibilbide berari 3 buelta eman behar izan zizkioten, tartean zeuden aldapa gogorrei au­rre eginda. 250tik gora korrikalarik hartu zuten parte, eta Alba gustura zegoen lortutako emaitzarekin: «oso pozik bueltatu nin­tzen, maila haundia baitzegoen». Horrez gain, patrozinadorea ere badu Albak, Eusko Jaurla­ritzako Ura agentzia. He­mendik aurrera honen izena eramango du arropan.