Zarautzen azaldutako kaxalotea Hernanin lurperatu dute

ostiral goizean, Za­rau­tze­ko hondartzan azaldu zen eta sekulako ikusmina sortu duen ka­x­a­lotea Her­nanin lurperatu dute, azkenean, hasiera batean, Usur­bilen edo Getarian lurperatuko zutela esan baldin ba­zen ere. Intsusa­diko lurretan lurperatu zu­ten atzo, 12-15 metro inguru eta 20 bat tonelada zituen kaxalote gaztea. Egun osoz aritu zi­ren lurperatze lanetan, Kro­nikak jakin duenez. He­mendik lau bat urtetara lurpetik ateratzeko asmoa da­go eta aurreikusten denez, Donos­tia­ko Aquariu­mean jarriko dute erakusgai bere eskeletoa, besteak beste. Kaxalotea arazoren batek eraginda iritsi zela itsaser­tzera uste da. Halako kaxalote gazteak bakarrik ibili ohi dira, oso ohizkoak dira gure kostan, 3.000 metroko sakoneran ibiltzeko gai dira eta 2 orduz ur azalera atera gabe egoteko gai. Arrek 18 metro neurtu ditzakete.