Txiki geratu zen Portu, asteburuan

Jendeak ez du hutsik egin, eta Portu auzoa bete egin dute hiru egunez, San Joan Txiki jaietan. Larunbat arra­tsaldez, txiki geratu zen Por­tu. Jendetza haundia bildu zen bertara, eta ostirala eta igandea ere ez dira makalak izan. Atzo goizean goizetik hasi zuten festa, eta eguerdian sagardo tragoaren ai­tzakian plaza bete jende izan zen. Aurretik meza eta pelota partiduak zituzten.

Pelo­tan, Eneko Lujanbiok irabazi zion Aritz Murgion­dori, 35-32 (Ojuelek eta Alva­rezek ezin izan zuten jokatu).  Karabinako irabazleak ere jakinarazi zituzten: An­doni Rekondo irabazle, eta Iker Alberro bigarren, desenpatea jokatuta.