Cirbonero eta beroa; bi aurkari, gehitxo

Hernani        0
Cirbonero     2

Hernanik aurredenboraldiko azken partidua jokatu zuen larunbatean Cirbone­roren aurka eta 0-2 galdu zuen. Bero sargoria izan zen protagonista eta bi taldeengan eragina izan bazuen ere, zorte gehixeago izan zuten nafarrek.
Cirbonero ere, hirugarren mailako taldea da eta Jon Loran Hernaniko futbol koordinatzailearen arabera, oso ondo etorri zaie partidua, azken erabakiak-eta hartzeko.

Aurredenboraldi positiboa
Orokorrean, Hernanik egindako aurredenboraldiarekin oso gustora daudela dio Lo­ranek, balorazio oso positiboa egin dute, eta orain, denboraldiari begira jarri dira. «Tal­dea oso ilusionatua da­go. Guretzat erronka bat da hirugarren maila eta denok hasteko gogoz gau­de».
Liga, larunbatean hasiko da eta Hernanik Vasco­niaren kontra jokatuko du, Zubipen, 18:00etatik aurrera. Athletic-eko filiala da Vas­conia, Basauriko taldea. Ez da kontrario makala izango denboraldia hasteko.