Erremonte zale guztiak partidu honen zain ziren urte guztian: San Miguel eta Urrutia I, momentuko bi atzelari onenak, aurrez aurre izango dira gaur Galarretan. Eta helburua: Buruz Buruko Kutxa Torneoko finalerako pasea lortzea. Bi erremontistak lehenengo aldiz lehiatuko dira buruz buruko partidu batean, zaletuen gozamenerako.
Gainera, San Miguelen torneoko estreinako partidua izango da eta Urrutiarentzat beste atzelari baten aurka jokatzen duen lehenengoa, orain arte hiru aurrelariren aurka jokatu baitu txapelketan. Urrutiak herenegun Urrizaren aurka erakutsitako jokoa dela eta, saldiastarra da faborito.
Galarretan, 16:00etan jokatuko den jaialdiko bigarren partidua izango da. yy