Umore onean agurtu dituzte Amabirjinak, Goizuetan

Amabirjin jaiek eman du­te aurtengoz berea Goi­zue­tan. Sei egunez, herria festa giroan ibili ostean, atzo agurtu zituzten jaiak. Eta umore onean agurtu ere. Umore-Ona Peñaren Eguna izan zen atzo eta peñaren bazkari eta kalejirak jarri zuen saltsa, beste behin ere: txuriz jantzita, alkandora berdeak soinean eta elkarren artean lotuta kaleetan barrena... Bukaera ofiziala 00:00e­tan eman zitzaien Amabir­jinei, baina festak berandura arte jarraitu zuen Haitzama taldearen dantzaldiarekin eta gaztetxeko kontzertuekin, Marianitoz blai eta Galduak taldeen eskutik.

Bestalde, herenegun bi pelota partidu jokatu ziren eta honakoak izan ziren emai­tzak: Barandiaran 22­/Aiz­­­­pitarte 18; eta Apeze­txea-L. Galarza 22/Mendizabal III-Peñagarikano 13.