Amabirjin jaiak gaur bukatuko dira Goizuetan, herria txuri-berdez jantzita dela. Izan ere, Ezkondu eta Umore-Ona Peñaren Eguna da gaur. Eta gaurko protagonista nagusia Umore-Ona Peña izaki, eguneko ekitaldi nagusiak peñaren bazkaria eta kalejira izango dira. Dena dela, pelota partidu erakargarriak ere izango dira eguerdi partean. Arratsaldean, berriz, zezenak. Eta gaualdean, dantzaldia eta kontzertuak, besteak beste.
Bestalde, atzo Goizuetako XII. Sagardo Eguna izan zen eta Astigarragako Oiarbide sagardotegiak jaso zuen lehenengo saria, 15 sagardoren artean. Hasieran, Alorrenearekin berdindu zuen Oiarbidek eta epaimahaiak beste probaketa bat egin behar izan zuen irabazlea erabakitzeko. Atzokoan, 400 baso saldu ziren.
EGITARAUA
12:30, Bi pelota partidu:
- 4 eta erdian, lehenengo mailako afizionatuak: Juanenea (Saldias)/Santxo (Usurbil).
- Afizionatuak Goizueta/Arano: Narbarte (Goizueta)-Zabaleta (Goizueta)/Uitzi (Arano)-Lizeaga (Hernani).
Ondoren, Igandea txaranga.
15:00, Umore-Ona Peñaren bazkaria.
17:00ak aldera, Peñaren kalejira.
Ondoren, Lasturgo zezenak.
Ondoren, Dantzaldia Haitzama
taldearekin.
00:00, Amabirjinei bukaera,
udaletxe aurrean.
Ondoren, Dantzaldia Haitzamarekin.
Ondoren, Igandea txaranga.
00:30, Kontzertua gaztetxean.
AUTOBUSAK, 18 eta 19:
Goizuetatik: 09:00 eta 15:00.
Hernanitik: 12:00 eta 19:00.