San Roke Eguna da gaur eta urtero bezala, egun guztiko festa izango da Aranon. Beti bezala, txistulariak izango dira protagonista, Arano eta inguruko herrietatik inguratuko diren ehundaka lagunez gain. Aurten ere txiki geratuko da San Roke ermita, goizeko 11:00etako mezan.
Txistuak garrantzi berezia du Aranon, San Roke egunean. Antsorena anaiak eta Zubillaga txistulariak urtero joaten omen ziren Aranora mendiz, txistua joaz, San Roke eguneko festara. Ohiturari eutsi diote eta egun, herri askotako txistulariak gerturatzen dira. Goizeko 10:15etan Plazan elkartuko dira eta Antonio Ezeizak San Martin parrokiko kanpaiak jo ostean, San Roke ermitara abiatuko dira. Meza entzun ondoren, pelota partiduak eta herri bazkaria izango dira, besteak beste. Festa, Agur Jaunak abestuta bukatuko dute.
Egitaraua:
10:15 txistulariak plazan.
10:30 Aranoko San Martin parrokiko kanpai-jotzea, Antonio Ezeizak.
10:40 San Roke ermitara irteera
11:00 meza San Roke ermitan, Esteban Irurzun apaizak.
12:00 pelota partidua promesa gazteen eskutik.
13:30 kalejira, herrian barrena.
14:30 herri bazkaria kontzejuan.
19:00 kalejira.
19:30 festa bukaera,
‘Agur Jaunak’ kantatuta.
Santiomendiko tontorrean ere ez dute hutsik egingo eta San Roke Eguna ospatuko dute gaur. Ohi bezala, Santiomendiko ermitan izango den mezarekin hasiko dute ospakizuna eta aurten ere jendetza izango da Santiomendi, Astigarraga eta inguruko herrietatik inguratuta.
Meza bukatuta, azken urteetan San Roke Eguna antolatzeaz arduratzen den Astigar dantza taldeko dantzarien emanaldia izango da. Gaur 36 urte beteko dira dantza taldeak lehenengo aldiz Santiomendin dantzatu zuela. Segidan, trikitilariak ariko dira giroa berotzen.
Bazkaltzeko, arkumea
Azken urteetan bazkaltzeko betizu jana izan bada ere, aurten, arkumea izango da. Jende ugari biltzea espero da. Iaz, esaterako, 170kg-ko betizua prestatu zuten eta 170 pertsona bildu ziren.
Bazkalostean, Alaiki taldearen eskutik, erromeria izango da. Egun pasa ederra egiteko aukera paregabea izango da gaur ere, Santiomendin. Izan ere, atzo, Amabirjin eguna izaki, festa izan zuten Santiomendiko auzotarrek.
Egitaraua:
11:00 Meza ermitan.
11:30 Astigar dantza taldearen emanaldia.
12:00, Norberto Almandoz
musika eskolako trikitilariak.
14:00, Arkume jatea.
17:00, Alaiki taldearen
erromeria.
San Rokeren omenez, festa eguna gaur, Aranon eta Astigarragan
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!